حنا لاون من مدينة حيفا بالنسبة لحنا، الشغل عن بُعد والترحال ما كان خيار عابر، إنما هدف واضح رسمه بحياته وحقق فيه حلمه، يعيش كرحّال رقمي ومتطوع حول العالم. كوكيل سياحة، أسس شركة سياحة بتشتغل عن بُعد، ووفرتله الحرية يشتغل من أي مكان بالعالم وهو عالطريق. انطلاقته مع Home Awe من سويسرا فتحت قدامه عالم جديد من السفر والتجارب الإنسانية. من هناك، وصولًا لجنوب أفريقيا، شارك بمجتمعات محلية، عاش مغامرات مؤثرة، وترك بصمة بكل محطة. لكن الجانب الأعمق برحلته هو رسالته الشخصية. حنا بواجه حالة ألبينو، ومرق بتحديات ما كانت سهلة. ومع هيك، اختار يشوفها كقوة مش كضعف. ومن هون وُلد هدفه الحقيقي، إلهام كل شخص مفكّر إنو عنده ضعف معيّن إنو النجاح قرار والإرادة هي المفتاح. اليوم، بالنسبة إله، السفر مش بس صور أو وجهات. السفر هو مدرسة للحياة، بيخليك تواجه نفسك، وتطلع نسخة أقوى وأوعى بكل خطوة. وكما بحب يلخصها حنا بكلماته: الحدود مش حوالينا، الحدود جوا راسنا. وإذا كسرناها، بنشوف إنو المستحيل مجرد وهم.