🌿 تطوع وتأمل في مزرعة ريفية

في HomeAwe، نؤمن بمبدأ عميق غيّر حياتنا، ونسعى أن نوصله لكل شخص ينضم إلينا. نسميه مبدأ التسليم — وهو ليس تسليم الضعف، بل تسليم الوعي. التسليم للحياة كما هي، للرحلة كما تأتي، للفرص كما تظهر، حتى لو لم تكن مطابقة لتوقعاتنا. هذا المبدأ يعني أنك لا تُقاوِم، بل تثق، تترك السيطرة الزائفة، وتسمح للكون أن يريك الطريق.
كثير مننا نحاول نخطط ونفهم ونسيطر، لكن أجمل اللحظات، وأعمق التغييرات، تحدث لما نترك كل شيء و”نُسَلِّم”. لما نقول: “أنا مش عارف شو رح يصير… بس مستعد أعيشها.” هذا بالضبط ما بنعيشه في برامج التطوع والسفر—أماكن جديدة، ناس ما بنعرفهم، ثقافات مختلفة—وكلها بتطلب منك شجاعة واحدة: أنك تِسَلِّم وتثق.

وهذا هو السبب أننا ما بنعطي كل التفاصيل الدقيقة عن الرحلة قبل ما تبدأ. مش لأننا مخبين شيء… بل لأننا بدنا نخلق لك تجربة تشبه السفر الحقيقي، السفر العفوي، السفر اللي مليان غموض ومفاجآت، زي لما تسافر لحالك وتشيل الشنطة على ضهرك وتستقبل الحياة بكل ما فيها.

بدنا إياك تتسلّم للتجربة.
بدنا إياك تتأقلم، تتقبّل، وتختار إنك تكون سعيد.
بدنا إياك تعيش اللحظة، تصنع رحلتك بنفسك، وتستثمر في كل لحظة بتصير.
ممكن تلتقي بناس غريبين عنك، بثقافة جديدة، بأفكار مختلفة عنك—حتى الجروب نفسه والمرشد ممكن يكونوا غير اللي تخيلته. وهاي بالضبط هي قوة الرحلة: أنك ما تتحكم بكل شيء، بل تعيش التجربة وتكتشف نفسك من خلالها.

في برامجنا، مش رح نعطيك كل خطة بالتفصيل. كل اللي بنطلبه منك إنك تجي، تبتسم، وتثق. وإحنا رح نأخذك برحلة عمر، مختلفة، ملهمة، وبتشبه روحية السفر الفردي.

لأننا نعرف، لما تذوق طعم هالنوع من المغامرة، رح يصير عندك الشجاعة تسافر لحالك المرة الجاي.

ورح نعطيك كل معلومة ضرورية… بالوقت اللي فعلاً بتحتاجها فيه.
مش قبل، ولا بعد — بالضبط لما تكون جاهز تعيشها.

• صيانة خفيفة للمزرعة.
• زراعة أو حصاد حسب الموسم.
• شغل يدوي بسيط.
• جو عائلي وهادئ، ما في ضغط، بس المطلوب احترام الأوقات والنية الطيبة 🙏

• جلسات يوغا يومية (مناسبة للمبتدئين).
• ورشات شفاء بالطاقة، صوت، نفس وغيرها.
• وقت حر للتأمل وسط الطبيعة.
• أنشطة مسائية مثل تأمل الغروب، حلقات حوار، وورش نارية 🔥

• تسلق جبلي لمدة 6 ساعات + مبيت ببيت خشبي بسيط في قلب الجبل 🌄
• جولات في القرى القريبة + سوق سورا المحلي.
• ورشة صنع باستا إيطالية من الصفر 🍝
• ليلة بيتزا على الطريقة الإيطالية الحقيقية 🍕
• رحلات للبحيرات القريبة وشلالات طبيعية.
• ركوب خيل (اختياري – برسوم رمزية).

• الإقامة بمكان ريفي بسيط، غرف مشتركة (شباب لحال وبنات لحال).
• 3 وجبات يومية (الإفطار بسيط – الباقي جماعي ومن مكونات المزرعة).
• الأجواء عائلية، بنساعد بعض وبنعيش تجربة حياة بسيطة ونظيفة.

• من لحظة وصولك على روما، بنكون مرتبينلك كل إشي:
  • استقبال بالمطار 🚖
  • تنقلات داخلية خلال الرحلة 🚌
  • توصيل للمطار عند الرجعة ✈️
  • سيارة للإستكشافات بنأجرها إحنا كمجموعة

الرحلة تتطلب لياقة بدنية مناسبة!
البرنامج مليان نشاطات متنوعة وجميلة، لكن برضه فيه جانب جسدي مهم – خصوصًا فعالية تسلق الجبل والمبيت في الكوخ الجبلي، اللي تعتبر تجربة تحدي رائعة، لكنها بتتطلب جهد جسماني عالي وقدرة على المشي لمسافات طويلة في طبيعة جبلية.
إذا كنت بتعاني من مشاكل صحية أو لياقتك مش مناسبة، بننصحك تعيد التفكير أو تحكينا قبل التسجيل.
سلامتك وراحتك النفسية والجسدية من أولوياتنا 💛

✔ فرصة تجمع بين التطوع، التأمل، الاستكشاف، والضحك.
✔ بتتعلم، بتتطور، وبتفصل عن الحياة الروتينية.
✔ بتتعرف على ناس من كل مكان، وبنعيش كلنا كأننا عيلة وحدة.
✔ بتعيش إيطاليا مش بس كسائح… بل كإنسان جزء من المكان.