رحلة مسارات المشي في جبال الألب

بدهاش تفكير اطلع، اتعرف على ناس طيبين واتهنى.

كانت رحلة بتجنّن من كل النواحي! 😍 المسارات رهيبة، والطبيعة خرافية، وكل يوم كان أحلى من اللي قبله. واللي زاد التجربة حلاوة المجموعة الرائعة كان جو عائلي مريح وممتع. وطبعًا كل الشكر والحب للمرشدين رامز حسونة والطيّب حقيقة همي جزء كبير من نجاح الرحلة من ارشاد تنظيم وترتيب جو عائلي بين جميع المجموعة ! ان كان على الصعيد المهني والانساني اشخاص رائعين وبحب ارجع اطلع معهم🔥

Khalid Alansari 19 سبتمبر 2026

من اجمل السفرات فعلا سفرة مختلفة مليئة بالهايكنغ وكل يوم هايكنق مختلف ومكان مختلف دواعيس وممرات مميزه خذتنا لعالم ثاني استاذ رامز كان فنان بالاماكن هذي حسيت اني اول واحد يكتشف هالمناطق ، تجربة مراح انساها ابدا اول يوم طلعنا على الجبل وشفنا قمة لا توووصف وفي يوم رحنا هايكنغ كنو غابه ونهايته بحيرة كان خيااااااال فعلا وفي يوم رحنا هايكنغ قريب من السكن وعشبته طوووويله وسوينا فلوق فيها كان شي خرافي ويوم رحنا ايطاليا ناكل بيتززززا انا وزميلي هربنا وخذنا هوت شوكليت وكانو الكل يدور علينا وينتظرنا ف الباص ، ولحظات السكن فعاليات وانشطه واكلات حلوه فعلا سفرررة مميزه

الرحلة كانت اكثر من رائعة و فاقت توقعاتي بكثير حبيت التجربة الاجتماعية الي خضتها مع ناس بعرفهنش و اكتشفت شغلات ايجابية جديدة بشخصيتي و المرشد سامي كان سبب كبير انه الرحلة تكون مليانة ايجابية و ضحك و اجواء حلوة و اكيد مستعد اعيد التجربة عدة مرات لقدام

نور 18 سبتمبر 2026

فعلًا رحلة من العمر وبتستاهل كل شيكل! كثير كنت بتمنى لو كان في منصة زي HOMEAWE من زمان وتعرفت عليهن قبل م ابلش مسيرتي المهنية والحياتية! كثير ضافتلي هالرحلة من كثير نواحي وغير عن البلدان الرهيبة الي زرناها والناس الحلوة الي تعرفت عليها والمرشد الجامد والمهني الي برغم من مبدأ التسليم لعفوية البرنامج كل الامور عنده كانت مدروسة ١٠٠٪؜ والبرنامج كان ولا غلطة! كثير بحب اعيد هالتجربة باطار تطوعي مع HomeAwe واكسب كمان محل حلو وكمان ناس جديدة وتجربة بتغير الحياة حرفيًا :)

رامز والطيب ❤️ عنجد مش عارفة من وين أبلّش أشكركم… كانت رحلة من الخيال بكل معنى الكلمة. بين جبال الألب والمناظر اللي بتاخد العقل، والضحك واللحظات العفوية، والأهم الروح الحلوة اللي كانت معكم طول الوقت. بس أكتر إشي رح يضل ببالي مش بس الأماكن اللي شفناها، قد ما هي صحبتكم والمجموعة واللحظات اللي عشناها سوا. حسيت الرحلة كانت خفيفة وحقيقية ومليانة ضحك وذكريات حلوة. شكراً على صحبتكم، على كل لحظة حلوة، وعلى الطاقة اللي جبتوها معكم. انبسطت من قلبي، وحسيت حالي بين ناس بعرفهم من زمان. إن شاء الله هاي مش آخر مغامرة… لسه بدنا جبال وطرق جديدة وضحك أكتر سوا

رحلة سويسرا كانت من أحلى الرحلات اللي رحتها ومن أجمل التجارب اللي عشتها، وخصوصًا إن فكرة الرحلة من الأساس كانت مختلفة، لأنها كانت على مبدأ التسليم، يعني إحنا ما كنا نعرف تقريبًا أي إشي عن الرحلة أو شو الأماكن اللي رح نروحها، وما عرفنا التفاصيل إلا بيوم الطلعة بالبداية الفكرة كانت شوي غريبة، بس بصراحة هي اللي خلت الرحلة أحلى، لأنه كل يوم كان في إشي جديد ومفاجأة، وما كنا عارفين شو مستنينا. حسيت إنه هيك عشنا كل يوم بوقته بدون ما نضل نفكر شو جاي بعده. وسويسرا نفسها كانت كثير أحلى من اللي كنت متوقعه، الطبيعة والجبال والبحيرات والشلالات والقرى، تقريبًا كل مكان رحنا عليه كان إله جوه الخاص، وفي أماكن مهما أشوف صورها بضل أتذكر الأيام اللي قضيناها هناك. وطبعًا الطيب ورامز كان إلهم دور كبير بالرحلة، كانوا كثير محترمين ومتعاونين وقريبين من الكل، وما حسينا إنهم بس مرشدين معنا، حسينا إنهم جزء من المجموعة. كانوا مهتمين إنه الكل يكون مبسوط ومرتاح، والأجواء معهم كانت كثير حلوة. بالنهاية رجعت من الرحلة ومعي كثير ذكريات حلوة، وكانت تجربة فعلًا ما بتنتسى. وشكر كبير للطيب ورامز على كل التعب والاهتمام والأجواء الحلوة اللي عملوها معنا 🤍🇨🇭. ولو رجع فيي الوقت، أكيد بعيش نفس التجربة من أول وجديد، وحتى مبدأ التسليم اللي بالبداية كنت مستغرب منه، برجع بختاره كمان ❤️❤️

ايهم مصلح 16 سبتمبر 2026

التجربة كانت جدا مميزة وغريبة وجديدة وحلوة، سويسرا عبارة عن جنة عالارض المناظر والاجواء اللي فيها قد ما تصور عالتلفون مش رح يكون قريب عالجمال الطبيعي، انت بهاي الرحلة بتكون عايش مع ناس اول مرة بتشوفها بحياتك، ممكن تركب عراسك وممكن لا بس رح تتعلم كيف تتعايش مع الاشي بحلوتها ومرها، ورح تصيروا عيلك، تصحوا مع بعض تفطروا مع بعض تتشاركوا كل التجربة مع بعض الاكل جدا معمول بحب والاشي ببين بالطعمة والشكل تبع الاكل، قد ما يكون بعيد عن الاكل العربي نكهتو بتضل مميزة ودافية جدا، الاجانب اللي بالكوخ جدا دافيين خصوصا الطباخ ومرتو المستقبلية، وعادي جدا حتى ممكن تتقرب من المتطوعين الاجانب اللي ساكنين معك بنفس الفترة اكتر من مجموعتك، ومحدا حكى عن المناظر اللي قبال الكوخ، اشي روعة، انا عن نفسي رحت عملت هايك خاص قريب من الهوستل، شكرا للمرشد اللي كان معنا اللي جد خلى التجربة لا توصف وشكر خاص ليزن وديانا اللي لولاهن بتكون الاجواء قد مهي حلوة مش رح تصل للحلاوة القصوى الا بوجودهن. رحلة مستحيل تندم انك رحتها

رحلة سويسرا كانت من أكتر التجارب المميزة والمختلفة اللي عشتها، خصوصًا إنها كانت أول مرة بسافر فيها لحالي وأنا بعمر 18 سنة. بالبداية، بصراحة، كنت حاسة بخوف وتوتر، لأنه كنت رايحة على بلد جديد ومع مجموعة ناس ما بعرف ولا شخص منهم، وما كنت عارفة كيف رح تكون الأيام الجاية أو إذا رح أقدر أندمج معهم. كنت عارفة إني لازم أطلع من الـcomfort zone تبعتي وأعطي حالي فرصة أعيش تجربة جديدة، بس ما كنت متوقعة قديش كل شي ممكن يتغير بسرعة. من أول يوم، تفاجأت. كيف قدرت أتعرف على الكل بسرعة، أتفاهم معهم وأكون على طبيعتي من غير ما أحس إني غريبة أو إني لازم أتصرف بطريقة معينة. والأحلى إنه خلال وقت قصير جدًا صار بينا جو حلو وأمان، وكأننا منعرف بعض من زمان. وبعد الرحلة ما كانوا مجرد ناس تعرفت عليهم بالسفر، بالعكس، صاروا أصدقاء رائعين وكملنا علاقتنا حتى بعد ما رجعنا، وهذا من أكتر الأشياء اللي خلت التجربة مميزة بالنسبة إلي. وطبعًا الـHiking نفسه كان تجربة لحالها. كان في مشي كثير، طلعات صعبة وتعب، وفي لحظات عنجد حسيت إني مش قادري أكمل. بس بهاي الحظات بالذات حسيت قديش وجود الفريق والمرشد عمل فرق كبير. أصحابي كانوا معي خطوة بخطوة، يشجعوني، يستنوني وما يخلوني أحس إني لحالي، والمرشد كان دايمًا قريب مني، ينتبه عليّ ويساعدني لما أتعب ويشجعني أكمل حتى باللحظات اللي كنت حاسة فيها إني خلص بقدرش. هدا الدعم هوي أعطاني طاقه و خلاني أكمل، ولما وصلت وشفت الجبال والمناظر من فوق، حسيت إنه كل التعب كان worth it. أكتر إشي حبيته بالرحلة إنه أنا مكنتش بس بكتشف سويسرا والجبال فيها، كنت كمان بكتشف حالي. اكتشفت إني أقدر أتعامل مع ناس ما بعرفهم، وأسافر لحالي، وأتجاوز خوفي، وأكمل حتى لما أكون تعبانة وأحس إني مش قادرة. الشي اللي بدأ بخوف وتوتر، تحوّل خلال أيام قليلة لحماس وراحة وشعور بالأمان، لدرجة إني بعد أول يوم كنت متحمسة جدًا لباقي الرحلة وعرفت إنه أنا فعلًا قادرة أعيش تجربة زي هاي. بالنهاية، رجعت من سويسرا وأنا حاملة معي أكتر من مجرد صور وذكريات حلوة. رجعت ومعي أصدقاء رائعين، ذكريات رح تضل معي، وثقة أكبر بنفسي، وتجربة أثبتتلي قديش ممكن أعمل أشياء كنت مفكرة إنها صعبة عليّ. والأكيد، الأكيد، إني راح أعيد التجربة مع Home Away مرات تانية كتير، لأنه هالمرة عرفت قديش الخروج من الـcomfort zone ممكن يفتحلي أبواب لتجارب وأشخاص وذكريات ما كنت أتوقعها أبدًا.

حلا ابو صالح 16 سبتمبر 2026

بقدر احكي انها تجربه للعمر ، دايما لما حدا يسألني بحكي انها مكانتش رحله كانت تجربه ، تجربه جديده ، غريبه وبتعلمك كثير عن حالك وعن العالم الموجود غير العالم الي احنا منعرفو بتخليك تفهم انو في واقع وحياه بكثير اكبر من شو احنا متخيلين ، بتتعرف على ناس وعلى ثقافات جديده الي بتبني جزء جديد من شخصيتك ، كانت تجربه لا توصف غيرت وعلمتني كثير شغلات ونظرتي للحياه ولشو بدي بالحياه كثير تغيرت وصح كنا بجبال سويسرا الي هي جنه على الارض بس بغدر احكي انو المناظر والجبال الي شفناها قد مكانت حلوه مكانتش هي احلى جزء من هاي التجربه ، الذكريات واللحظات الحلوه الي كوناها مع بعض المجموعه مع مرشدنا ( عمو سامي ) الي كان سبب جدا اساسا بانجاح هاي التجربه وعملها احلى واهون والطف محسسناش انو مرشد قد مكان جزء مننا ومرجع النا باختصار كان محلّنا المريح وانا متأكده مش بس الي وطبعا يزن المؤسس ل HomeAwe الي تعلمنا منو كثير شغلات واهمهن كيف نستثمر بحالنا ولما حكينا معو بعدة مواضيع فهمنا انو مؤسس لهيك تجارب وهيك منصه مش ممكن يكون حدا زي يزن الي جاي معنا من نفس الواقع بس قرر يعيشو بطريقه مختلفه ، عشنا وعملنا ذكريات وعلاقات للعمر كلو مش راح تنتسى وعنجد HomeAwe معنها بيت ، بيتي الثاني الي ترك تاثير كثير حلو ❤️

Cilene Salam Sabbagh 16 سبتمبر 2026

رحلة من العمر مع المرشد ال 🔥الي بفوت القلب بسرعة ال⚡️ أنا كصبية تخرجت السنة من الثانوية 🎓كنت بحاجة لرحلة غير تقليدية فيها روح 🌸 تطلعني من الضغط التعليمي اللي كنت فيه … تعرفت على صفحة Home awe من فترة .. وكتير كنت حابة اطلع واجرب معهم .. ومن الفيديوهات بصفحتهم عالانستغرام والناس اللي طلعت وحكت عن تجربتها معهم شفت ولاقيت هاي الروح اللي بدور عليها بالفيديوهات .. ما فكرت مرتين وحجزت رحلة لإيطاليا 🇮🇹 معهم .. بس لأسباب معينة التغت هاي الرحلة .. بالأول زعلت واتذايقت كتير .. بس هني ما خبرونا انه التغت وتركونا وخلص .. اقترحوا علينا نطلع رحلة ثانية معهم على سويسرا 🇨🇭 .. وللمرة الثانية بدون اي تفكير وبحسب شعارهم ومبدئهم *مبدأ التسليم* سلمنا حالنا مشينا ووافقنا على هالرحلة … من وقت ما حجزنا لهالرحلة لقبل أسبوع من موعدنا ما كنت مهتمة ومسلمة الأمر لربي اولاً ثُم الهم .. دائما كان في تواصل معهم ولأي استفسار او سؤال كل الطاقم مستعدين وجاهزين دائما … طبعا المرشد كان باعث التفاصيل بالنسبة للاواعي والأغراض اللي لازم تكون معنا قبل بوقت لنكون جاهزين ... لقبل أسبوع من الرحلة حسيت شوي بضغط من ناحية شو أحط أواعي!؟كيف شنتة تُرلي 8 kg راح تكفيني لأسبوع ؟! … من ناحية الناس اللي معي .. ما بعرفهم !! أنا بعدني صغيرة بالعمر شو راح تكون أعمارهم ؟! هل راح انسجم معهم ونتفاهم ؟! ولا مرة كان في الي اختلاط وحكي مع حدا ثاني باللغة الإنجليزية .. هل راح اقدر احكي واتواصل مع الناس هناك والمتطوعين والمتطوعات بال hostel ؟!؟ فتت على صور الأشخاص بالمجموعة عالبروفايل وحاولت استفسر قبل بوقت واخد فكرة عنهم .. وبعدين فتت على بروفايل المرشد .. اخدت فكرة عنه من مجرد صورة انه شخص عصبي وجدي …. بس وصلت هناك اكتشفت انه كل هاد الضغط كان على الفاضي .. الاواعي بتدبر وبتكفي وال 8 كيلو لأسبوع مش بحاجتهم حتى .. رغم تفاوت أعمارنا ومجموعة مكونة من أغلبية شباب تعرفت عليهم كلهم وطلعت من قوقعة شخصيتي الخجولة والانطوائية 🐢 … كونت صداقة مع الكل من اول يوم والعلاقة كل يوم كانت عم تقوى وتزيد وطبعا والفضل الاول برجع لمرشدنا اللي كنت ماخذة فكرة غلط عنه .. طلع عكس هاي الفكرة تماما .. هو 🕯️حالرحلة وحلاوتها كل الشكر والتقدير اله وبتمناله دوام التوفيق النجاح والتقدم بحياته يا رب 🙏🏻🫶🏻💓 … والشكر للفرقة اللي كانت معي بهالرحلة والمرحلة بحياتي .. اللي ولا مرة فشلو يموتوني من الضحك … بتمنى لكل فرد فيهم النجاح والتميز بحياتهم ونرجع نلتقي جميعا عن قريب 🙏🏻✨ بالإضافة إلى انه ما ضليت ساكتة وحاولت أتواصل مع المتطوعات الأجانب اللي هناك عن طريق اللغة الإنجليزية وطبعا هاي كانت فرصة مناسبة لتطوير اللغة كمان 🔥 والأحلى انه ما خسرت رحلة إيطاليا حرفيا لانه كان في عنا يوم لإيطاليا ويوم لفرنسا من احلى الايامات 🍻🥂💫 ما خليت اشي ما عملته او اخسر اشي .. ✨ مشيت تحت الشتا لمسافة بلا شمسية ✨ جربت الساونا 🔥 .. ونزلت ببركة ايس باث ❄️ ✨ كنت أفيق بكير وامشي بالمنطقة وأخذ نفس بين الطبيعة 🌿 وأزور البقرات 🐄 ✨ جربت أكلات ولا مرة فكرت أذوقها .. مع انه ولا حبيتها 🙂 وكثيررر من التجارب الحلوة والتحديات اللي مريت فيها … وطبعا ما بنسى شكر يزن .. * اولاً على تاسيس هاي الشركة الحلوة والفكرة اللي بتمشي على مبدأ غير تقليدي ومميز واللي هو مبدأ التسليم … * ثانيا على وقفته حدي وتشجيعه الي بفترة معينة من هالرحلة والحكي السليم والمناسب وبالوقت المناسب … بتمنى انه يحقق كل اشي بتمناه ويواصل نجاحاته بالحياة ❤️🤝 -وآخر نقطة بحب أضيفها .. كحدا مش عنجد رياضي وبتمرن 🥲 وصلني من سنة تقريبا ما رحت الجم 💔.. اول اشي كان عندي شوية تخوف .. هل راح اقدر !؟ هل راح يكون هوين بالنسبة الي زي مسارات المشي اللي كانت خلال رحل التخييم اللي كانت بالمدرسة؟! اللي كنت احبها ودائما حد الأستاذ امشيي او سابقته من كثر حبي للمشي .. بس لما طلعنا اول هايك جَّدي حسيت بشوية صعوبة لانه مش متعودة على هيك نوع من الرياضة اغلبه طلعات وكان الطلوع متعب بالنسبة الي .. كنت أفكر انه خلص هاي قدرتي ولازم استسلم … بس دائما كان في اشي ثاني براسي كان يقلي ويشجعني .. انه لا أنا بقدر وانه التعب مش حجة .. ومرة عن مرة أنا بصير اقدر واتعود والقمة هي الهدف 🏞️… لحديت آخر هايك برحلتنا تحديت حالي وقدرت اكون من اوائل اللي وصلو للقمة … غير تشجيع المرشد النا ووقفته حد واحد واحد فينا ودعمه وطاقاته الحلوة اللي ما الها حدود 🛤️… كان الوصول إلى القمة بستاهل كل هاد التعب وأكثر .. المنظر من عالم آخر … بتقعد بتسرح بتتامل وبترتب افكارك ومستقبلك وبتراجع قرارات مصيريه كنت ماخذها ومصر عليها .. بكل برود وأعصاب هادية وبحكمة. بشكر الله دائما على خوضي لهاي التجربة اللي غيرت حياتي كليًا واكيد أكيد أكيد برجع بعيدها وبكل ثقة شغف وحب ❤️‍🔥🧗🏻‍♀️.

تجربة سويسرا كانت أكثر من مجرد رحلة بالنسبة إلي. عشت أجواء ومغامرات جديدة، تعرفت على ناس رائعين وشفت أماكن كنت دايمًا أتمنى أشوفها. الهايكات والطبيعة والأجواء مع المجموعة عملوا ذكريات مستحيل أنساها. وشكر كبير لسامي وليزن على التنظيم، الطاقة الحلوة وكل المجهود اللي عملوه عشان تطلع الرحلة بهالشكل ❤️🏔️ أكيد تجربة رح تضل بذاكرتي ومتحمس للمغامرة الجاية مع Home Awe.

مرتبة نار

مرتبة نار

محمد بقاعي 16 سبتمبر 2026

تجربة بظنش انه تتكرر بحياتي غير معكو الصراحة التووب كثير انبسطت بالرحلة من رفق ومن تبادل ثقافات بنصح للكل يجرب مش راح يخسرو اشي حرفيا رحلة بتتكررش وطبعا بعيدها