️للفلسطينيين في الداخل فقط 🚨
اذا كنت خارج فلسطين نرجو عدم التسجيل في الورشة 🙏🏽
مساحة إنچليزي – احكي بدون خوف، وخليك واثق! 🚀
كم مرة حسيت إنه الإنجليزي حاجز قدامك؟ إنه هو السبب إنك ما سافرت، ما تطوعت، أو حتى ما قدرت تتواصل براحتك؟ الحقيقة إنه المشكلة مش بالإنجليزي نفسه، المشكلة بالخوف من الحكي اللي كلنا حسينا فيه قبل! 🤯🔥
بس اسمع… الحل بسيط: تحكي، تغلط، وتتعلم! 🚀
وهون بتيجي مساحة إنچليزي – وهي مساحة قبل ما تكون انچليزي. هي مش كورس، مش مدرسة، انما مجتمع داعم يعطيك الفرصة تحكي بدون خوف من انك تغلط او تخجل، وتتعلم وتعبّر عن حالك وانت مستمتع!
----------------------------------------
🎯 شو راح تستفيد؟
• راح تكسر حاجز الخوف من استعمال اللغة، وتحكي بدون تردد 💥
• الورشة بتعتمد على أنشطة ممتعة وألعاب تفاعلية مش مملة! احنا منطوّر فعاليات عملية بتخليك تحكي أكتر وتكسر رهبة اللغة, مشابهة لمواقف رح تصادفها لما تسافر او تتطوّع
• راح تتعرف على ناس مثلك، عندهم نفس التحديات ونفس الرغبة يتعرفوا على الانجليزي المحكي ويتطوّروا ويستمتعوا ونفس الطموح للسفر والتطوع🌍
• راح تصير جاهز للسفر والتطوع معنا وحتى تتجرأ تشتغل مع أجانب! 💼
• رح توسّع افاقك, تتعلم اساليب تواصل وتحس إنه الإنجليزي صار جزء منك !😍
------------------------------------------
والأهم انه هاي الورشة مناسبة لكل المستويات! وشو ما كان هدفك.. لانه الموضوع مش موضوع مستوى بالإنجليزي ع قد ما هو عن الثقة بالنفس والممارسة. ومع كل فعالية ومع كل ورشة، رح تكتشف إنه إنت قادر تحكي، تناقش، وتستمتع بسيرورة التطّور الشخصي اللي رح تمرقها
كتير من المشاركين اكتشفوا بعد الورشة شغفهم بالسفر التطوعي، وبعضهم بالفعل جرّب السفر وروّح يحكي عن التجربة بكل شغف وفخر.
وينتا ووين؟ 📍
الورشة بتكون بمقهى المكوى, حيفا
🚨 رح نعلن عن مواعيد ورشات شهر 11 قريبًا , ترقبوا التفاصيل 🚨
إذا نفسك تبدأ تجرب وتغير من حالك, تطور لغتك الانجليزية، تزيد ثقتك بنفسك، تلاقي فرص تطوّع مضمونة تتعرف على أصحاب وأشخاص بتشبهك وتستمتع بنفس الوقت وبمحل واحد…
جبنالك الفرصة لعندك, تعال شاركنا و ما تتردد!
الورشة محدودة ل 18 مشترك فقط
إحجز مكانك الآن
قائد/ة البرنامج
احلام منصور (26 سنة )
أنا أحلام، شغوفة بخلق تجارب تعليمية غير تقليدية مرتبطة بالسفر والتطوّع. خريجة علم نفس وأدب إنجليزي، وحاصلة على شهادة تدريس اللغة الإنجليزية.
بدأت رحلتي التطوعية بتدريس اللغة العربية لغير الناطقين بها خلال دراستي الجامعية، وحصلت على منحة فولبرايت خلالها درّست اللغة...
إقرأ المزيد