رحلة استكشاف كيب تاون

التجربه والرحلة كانت من احلى الاشياء الي عملتها بحياتي، وبحب اعيدها الى ما نهايه، بالذات مع المرشدة رشا نجم، لولاها ما كانت الرحله رح تكون بهالشكل، كانت صديقه للجروب، ضحكنا وانبسطنا وعشنا تجارب جديده الي لولاها ما كنت رح اعيشها مثل البنجي، الي كانت من اكبر مخاوفي. البرنامج الي بنته مكنش متوقع وحرفيا خلتنا نعيش تجربة التسليم، وكان كل مبيت احلى من اللي قبله😭 برضو الفرقه كانت من احلى الاشياء الي بالرحله🥹🫶🏽 ممنونه لهيك رحله وهيك مرشدة وهيك برنامج وهيك فرقة❤️

كانت رحلة من العمر وحلوه كثيررر ويلي عمل الرحله هو ال מדריכה رشاا وبس . واثبتت قدي هي انسانه بتجنن وقويه ومضحيه مشاننا ، ومشان نظل مبسوطين وراضيين وبالفعل هذا يلي صار ، يعطيها الف عافييه ، انسانه بتنتساشش ، والجروب كان يجنن والفاعليات كانت تجنن وشبابيه وبتشمل كل اشي ، ان كان ثقافيه ، استكشافيه ، حماسيه …. ، يلي بتظل عالقه بالذاكره زي البنجي وغيرها كثيررر ، وهذا غير محلات النوم يلي كانت محل احلا من الثاني .

سعاد 18 سبتمبر 2026

رحلتي لجنوب افريقيا كانت شغلة من احلى الشغلات الي قدرت اعملها لحد اليوم بجيل 19. السفرة هاد كانت تجربة من العمر بالنسبة الي، فرصة اني اسافر لحالي مع ناس اكبر مني وما بعرفهم عمكان كثير غريب زي جنوب افريقيا كانت فرصة جد بتساهل المخاطرة. تجربتي مع homeawe كانت تجربة فريدة خص نص لإلي من قبل ما اسجل للرحلة ولحد ما وصلت البلاد بسلامة😇 كانت ملانة مغامرات وشغلات جديدة من قبل ما اصل كيب تاون حتى، وهاد غير التجارب والأماكن الرهيبة الي قدرنا نستكشفها مع بعض، من انه نتسلق جبل الطاولة "اول هايك حقيقي بحياتي" يلي ما توقعت اني عنجد ممكن أتسلقه بس كانت مغامرة علمتني انو جسمي ممكن يعطي اكثر من شو بفكر، تجديف القوارب يلي اثبتلي اني ممكن احب الرياضة، قفزة البنجي عن الجسر مع اني من محبين الأدرينالين بس مع هيك القفزة عملت فيي شعور غريب بقدرش أوصفه وزيارة الحي الفقير واللعب مع الولاد الصغار الي علمنا انه مش لازم ننسى نحمد الله دايما عكلشي بالصعب وبالحلو… وكمان ملان مغامرات ثانية مع الحيوانات مثل البطاريق، النعام والفيلة وكثير حيوانات ثانية. الرحلة عرفتني عنفسي اكثر، اني بحب الحيوانات اكثر من شو بفكر، اني بحب الرياضة حتى لو ما بمارسها كثير، اني كثيييير بحب السفر وبحب استكشف أماكن جديدة بحب اجرب شغلات جديدة واني مستعدة أغامر واسافر باي سعر والاهم بالنسبة الي انو ما اضيع ولا فرصة قدامي. بس الأهم من كل الفعاليات والحدا الي عمل الرحلة احلى وأحلى كانت الليدار حبيبة القلب رشا وروحها الحلوة، كانت قائدة الرحلة لحالها ومع انه كانت اول مرة الها لحالها اثبتتلنا انها ليدار عنجد🤍⭐️ وطبعا طاقم homeawe الي حسسوني اننا عيلة مع بعض حتى عن بعد، بإهتمامهم ودعمهم من قبل ما احجز ولحد ما وصلت البيت، بسبب ظرف معين كنت مضطرة اسافر بعد الفرقة بيوم وبالصدفة كمان بآخر الرحلة بسبب مشاكل بالمطار كنت مضطرة اسافر للبلاد بعد المجموعة بيوم، وهون لقيت دعم من كل الطاقم، مساعدتهم واهتمامهم باني تمام وبأمان وهاد بعكس homeawe كمنصة، كنتم عند حسن ظني فا شكرا كثير من القلب عالتجربة مستعدة اعيدها كمان مرات واكيد معكم❤️❤️ وطبعا بننساش عمو صديق شوفيرنا الي كان الو بصمه حلوة😂🫶🏻.

يوسف 18 سبتمبر 2026

جنوب افريقيا كانت من احلى الرحلة الي رحتها بحياتي كثير تجارب جديدة غير انو كنا كل يوم بمحل بلد بجنن و المرشدين احترافيين من النظام والتعامل كانك تعرفهم من ٢٠ سنة اذا جد حابب تجرب اشي جديد سفرة مش عادية لا تفكر و روح كل لحظة كانت بالرحلة ممتعة وجديدة من النط من ثاني أعلى جسر بالعالم لحتى الحيوانات البطاريق حتى البحر و السما غير عن أي محلى رحتو بحياتي من ناحية المصروف الدولة كثير رخيصة والاكل طيب ونظيف و بنصحكم تجربم لحم النعام 😆

ايوب ايوب 16 سبتمبر 2026

كانت رحلتي إلى جنوب أفريقيا مع HomeAwe من أكثر التجارب اللي مستحيل أنساها بحياتي. رحت وأنا مش عارف بالضبط شو مستنيني، بس بالنهاية عشت البلد من خلال المغامرات والتجارب، مش بس كسائح. طلعت Table Mountain، استكشفت Tsitsikamma، شفت الحيوانات والطبيعة بطريقة ما كنت متعود عليها، سبحت بمي باردة جداً في Camps Bay، وعملت Bungee Jump من Bloukrans Bridge، واللي كانت وحدة من التجارب اللي مستحيل كنت اعملها بحياتي لحالي. بس اللي خلّى الرحلة مميزة بالنسبة إلي مش بس الأماكن. كان الشعور نفسه: كل يوم في إشي جديد، ناس جدد، طبيعة، خوف، ضحك، حماس، ومواقف ما كنت مخطط إلها أصلاً. زي اني اشوف واحد صيني بقاتل بقرد على ساندويش😂 وطول الرحلة كنت أصوّر وأوثّق كل هاي اللحظات. ولما رجعت عالبيت، أخذت كل هاي المقاطع والذكريات وحولتهم لفيلم. ما كنت بدي أعمل فيديو سفر عادي يمشي يوم ورا يوم؛ كنت بدي اللي يشوف الفيديو يحس بالتجربة معي—يضحك، يخاف، يتحمس، وينصدم معي. الفيديو بالنهاية نجح وجاب الاف المشاهدات، والأهم إنه فتحلي فرص جديدة كـ Content Creator مع HomeAwe. جنوب أفريقيا خلتني أفهم إشي عن حالي: أنا مش بس بحب أسافر وأشوف أماكن جديدة. بحب أحوّل التجربة لقصة، وأخلي الناس اللي ما كانوا معي يعيشوها كأنهم كانوا هناك فاذا حابب تروح عايشي مميز هاي الرحلة الك😁