إسمي ملك ابو النعاج، شغوفة في عالم السفر اللي ساعدني استكشف العالم اللي جوّاتي قبل ما أكتشف العالم البرّاني. بلشت رحلتي بالسفر من جيل 19 سنة لمّا قررّت أستكشف العالم عن طريق تجارب تبادل ثقافي عالميّة، ولحد اليوم زرت أكثر من ٣٠ دولة حول العالم. بالإضافة لشغفي في السفر، بختار انّي أدمج هاد العالم مع شغفي في مجال الهندسة وادارة المشاريع، ومن هون انضمّيت لHomeAwe كمديرة مجتمع و مسؤولة عن برنامج تمكين في البلاد. رحلتي مع HomeAwe بلّشت في تطوّع للرحالة الرقميين في بلغاريا، ومن هناك لمرافقة مجموعات في سويسرا واليوم في ورشات مشروع تمكين اللي بهدف لتمكين وتعزيز قوتنا و قدراتنا كشعب و تحضير المتطوعين لخوض برامج بتطلب منهن تفكير مختلف و انكشاف لعالم مليان فرص، شغف، وتجارب بتغيّر الحياة. بانتظاركم تنضمولنا في ورشات تمكين، عشان نقوى، ندعم، نكبر، ونغيّر مجتمعنا للأحسن، مع بعض!