شادن سمعان من فسوطة, طالب هندسة برمجة.

حاليًا أنا متطوع متجول وقائد، بسافر وبستكشف وبزيد أماكن جديدة للتطوع مع HomeAwe.

كمان أنا عضو فعال بالكشاف⚜️، ومعالج بالطاقة بتقنية الريكي (Reiki)🌿.

بحب السفر والترحال، وبحب أتعرف على ثقافات وعوالم جديدة، وبحب الناس والحياة.

أول مرة تطوعت كانت بإيطاليا – في سورا، وقعدت هناك لمدة شهرين,هاي التجربة كانت من أعـمـق وأجـمـل التجارب يلي عشتها بحياتي.

عشت سلام داخلي عظيم، وتركت جواي أثر كبير 💫. هناك، تذكرت رسالتي بهالدنيا، وحسّيت بشغف عظيم لحتى ألهم، أغير، وأساهم بنشر رسالة السلام بالعالم.

من بعدها، قررت أنضم لطاقم HomeAwe لحتى أساعد، أدعم، وأفتح قدام غيري فرص تطوعية بتمثل شغفي ورسالتي.

زي ما تجربتي ألهمتني وغنتني، حابب أكون جزء من تجربة ممكن تغنيك إنت كمان 🤗.

اليوم، بقود مجموعات لرحلات وخلوات بطابع خاص ومميز.

بالنسبة إلي، التطوع مش بس تجربة... هو أسلوب لاكتشف حالي، أطلع من منطقة الراحة، وأصنع ذكريات ومعاني بتضل معي طول العمر.

وما رح أوقف هون... حلمي أكمل أتنقل وأتطوع بمناطق بعيدة حول العالم، أتعلم من كل ثقافة وأكبر أكتر، وأكسر الحدود والتحديات اللي حوالينا.

تعالوا معنا بـ HomeAwe، خلي العالم يكون بيتنا، وتجاربنا تضل تلهمنا كل يوم. 🌍✨