الورشة وجاهية- في حيفا – إذا كنت خارج فلسطين يُرجى عدم التسجيل 🙏🏽
ورشة مساحة سفر | رحلة لجوّاتك 🔵 وسّع للنفس اللي بتدوّر عليه برّا، جوّاتَك🔵
كم مرة حسيت إنك بدك تطلع لبرا بهدف الهروب والفصل عن كل شي؟ إنك لازم تسافر، تطلع برات البلد، عشان تحس أحسن وتهدي الضجة اللي براسك.
بس خليني أسألك… لو طلعت، ورجعت، وضلت الخنقة نفس الخنقة – شو بتكون عنجد غيرت بسفرتك؟
"مساحة سفر" هي مساحة استكشاف وتعبير، بسيطة، آمنة ومريحة. رح تستكشف أدوات أوسع من الحكي، وتوخد نفس أبطئ وأروق جواة مجموعة جاي تتبادل الثقة، الأمان والتجارب بقلب مفتوح. رح تختبر أدوات إبداعية سلسة بتطلبش منك تجربة مسبقة – ممكن تعتمدها بعد الورشة بالبيت أو بالسفر – أدوات تساعدك تفرّغ، تتواصل، تفهم، تنظم وتلاقي صوتك اللي يمكن كنت ناسيه أو مش قادر تسمعه عنضاف وبعمق من قبل.
🎯 شو راح تطلع فيه من الورشة؟
1️⃣ مساحة جواتك ترجعلا لما بتحتاج تفرغ وتشحن فيها أفكارك ومشاعرك.
2️⃣ أدوات تعبير وتواصل إبداعية، بسيطة وواقعية، تحطّها معك بالشنطة، بدفترك أو بقلبك لصغير.
3️⃣ طرق للتواصل مع حالك والانتماء لمجموعة ناس جديدة بتشبهك وبتمرّ بنفس السكة برغم الاختلافات.
4️⃣ فهم أوضح لمين إنت عنجد؟ وكيف ترجع تستكشف الكنوز اللي جواتك وتعطيها مساحة تكون وتساندك بتجارب مختلفة.
5️⃣ عبطة لحالك قبل خطوة سفر شجاعة وصادقة لجوا قبل ما تكون لبرا.
الورشة توجيه تريز سليمان | مغنية ومؤسسة ورشات وخلوات "نفس" لتفعيل الصوت والخيال.
